Juan Jose Ibarretxe Eusko Jaurlaritzako lehendakariari gaur goizean eman diote senda-agiria Gurutzetako ospitalean (Barakaldo, Bizkaia). Igandetik egon da ingresatuta, hortzetako infekzioagatik. Astebete zeraman min horrekin eta igandean erietxera joan behar izan zuen.
Medikuek hasieratik esan zuten ez zeukala ezer larririk Ibarretxek. Hala ere, ebakuntza egin behar izan diote. Etxean -Ajuria-Enean- segitu beharko du osatze lanetan. Dena dela, bihar EHUren ikasturte irekiera ekitaldian parte hartuko du, Gasteizen.
Duela astebetetik infekzio hori izan arren, lehengo ostiralean Eusko Legebiltzarrean politika orokorrari buruzko eztabaidan parte hartu zuen Jaurlaritzako lehendakariak, eta igandean EAJren Alderdi Egunean izan zen.
Politika
Eman diote Ibarretxeri senda-agiria, ebakuntza egin eta gero
Jaurlaritzako lehendakaria hortzetako infekzioagatik sartu zuten igandean Gurutzetako erietxean. Etxean jarraitu beharko du osatze lanetan, baina bihar ekitaldi batean parte hartuko du.
Iruzkinak
Ez dago iruzkinik
Ordenatu
