Guardia Zibilak eta udaltzainek gizonezko bat atxilotu zuten atzo Lizarran, andrea eta 15 eta 16 urteko seme-alabak hiltzen saiatzea leporatuta.
Lizarrako Udaleko Emakumearen Berdintasun zerbitzutik jakinarazi dutenez, bazekiten gizonezko horrek tratu txarrak ematen zizkiola emazteari, eta, halaber, su emanda hiltzeko mehatxua egin ziela andreari zein umeei. Ondorioz, zaintzapean zeukaten.
Atzo goizean seme-alabak ez ziren eskolara joan, eta mehatxuaren berri bazutenez, Lizarrako Epaitegiari eta Udaltzaingoari abisua eman zioten, zerbait gerta zitekeela ohartaraziz.
Horren berri izan ostean, Guardia Zibila eta udaltzainak familia horren etxera joan ziren, eta gizonak andrea eta seme-alabak barruan itxita zeuzkala, eta su emateko asmoz gizonak inguru guztia gasolinarekin busti zuela ikusi zuten. Sueman ziezaien galarazi eta atxilotu egin zuten.
Genero indarkeria
Emaztea eta seme-alabak barruan zirela etxeari su ematen saiatu da gizonezko bat Lizarran
Behin baino gehiagotan egin zien hiltzeko mehatxua, eta, ondorioz, zaintzapean zeukaten. Hala ere, Guardia Zibila eta Lizarrako (Nafarroa) Udaltzaingoa iritsi zirenerako andrea eta seme-alabak etxean itxita zeuzkan eta gasolina botata.
Iruzkinak
Ez dago iruzkinik
Ordenatu
