Fuente Ymbro ganadutegiko zezenek motel atera dira Gaseko eskortatik. Santo Domingo aldaparen erdian, baina, zezen beltz batek aurrea hartu dio taldeari eta sekulako abaila hartu du. Udal plaza ziztu bizian pasa du. Hortik aurrera bakarrik joan da bide guztian, baina zezenak oso jator jokatu du. Ez du inor ekiteko imintziorik egin, eta zezen plazara iristean ukuilura joan da zuzenean.
Atzetik gainontzeko zezenak eta joaldunak joan dira, 30 metroko distantziara edo. Taldeak, aurreko zezenak bezala, lasterketa garbia egin dute eta elkarturik joan dira ibilbide osoan zehar. Zezen plazara elkarturik sartu dira. Taldeko zezen beltz bat itzuli egin da, baina ez du arazorik eragin eta ukuilura sartu da.
Lasterkari bakarra eraman dute erietxera, kolpeak hartuta.
