Fernando Grande-Marlaska Espainiako Auzitegi Nazionaleko epaileak kargurik gabe libre utzi ditu iragarki bategatik auzipetu zituzten Erandioko bost lagunak. Bostek gaur deklaratu dute haren aurrean, eta honek ondoren hartu du erabakia.
Erandio-Altzagako iazko jaietako propaganda liburuxkan "Independentzia eta sozialismo-zaleen gune askea", "euskal presoak etxera!" edota "Erika [presoa] maite zaitugu!" jartzen zuen iragarki batean, eta Arrano Beltzaren ikur bat ageri zen.
Erandioko Hegoalde Kultur Elkarteko zuzendaritzako lau lagunak eta Jai Batzordeko burua inputatu egin zituzten.
