Guztira hamabost lagun atzeman zituen Frantziako Poliziak astelehenean Lapurdin eta Nafarroa Beherean egindako sarekadan. Horietatik zortzi aske dira eta beste zazpiak espetxean. Ageda Goikoetxea, Aitziber Otegi, Maider Agerre, Oscar Bizkai, Ihintza Oxandabaratz eta Karine Leboucher asteazken goizaldean atera ziren kalera, Ives Salaberri atzo eta Mizel Kehaielt bart.
Epaileak Xabier Susperregi, Pantxo Flores, Mizel Barnetxe, Cedric Garai eta Joan Bidart espetxean sartu dituzte astelehenera bitartean, "badaezpadako" neurri gisa. Orduan eramango dituzte Parisera, epailearen aurrera.
Gorka Betolaza eta Urtzi Garcia ere espetxeratu egin dituzte. Jarrai-Haika-Segi auzian bere burua entregatu ez zuen bakarra zen Betolaza. Garciari ustez ETArekin lotura izatea leporatu diote.
Askatasunak deituta manifestazioa egingo dute bihar Donibane Garazin, Errepresioa ez da bidealelopen. 15:00etan hasiko da, herriko etxearen aurrean.
Atxiloketak Iparraldean
Epaileak "badaezpadako" espetxeratze agindua eman du Iparraldean atxilotuetatik bostentzat
Xabier Susperregi, Pantxo Flores, Mizel Barnetxe, Cedric Garai eta Joan Bidart espetxean sartu dituzte astelehenera bitartean. Orduan eramango dituzte Parisera, epailearen aurrera. Mizel Kehaielt, berriz, aske utzi dute bart.
Iruzkinak
Ez dago iruzkinik
Ordenatu
