Erabaki plataformak ETAren jardueraren etetea, eskubideak eta herriari hitza ematea aldarrikatu ditu

Erabaki plataformak "euskal gizartea egoera makalean bizi" dela deritzo ("[Espainiako] Estatuak gizarteari ez dio hitza eman nahi, ETAk heriotzak eragiten segitzen du, eskubideak narriatuz doaz, hainbat auzi irekita daude...), eta hortik irten ahal izateko lau oinarriri eustea proposatu du gaur, Bilbon egindako agerraldian: "ETAk ekinbide armatua etetea, eskubide eta askatasun zibil eta politikoak indarrean jartzea, gatazka gizatiartzea (biktimak [oro], presoak...), eta Loiolako aurrekoardioaren edukiari berriro eustea -erabakitzeko eta kontsultatzeko eskubideari-".

Plataformaren ustez, "egoera honetan ez dirudi ganorazkoa egonean geratzea", eta gizartearen "akordio zabala" eskatu du, "barne aniztasuna eta aipatutako oinarriak" kontuan hartuta.