Politika
Erabakitzeko eskubidea "inposatzailea" dela eta ez duela bakearekin zerikusirik iritzi dio Patxi Lopezek
PSE-EEko idazkari nagusi Patxi Lopezek argi utzi nahi izan du ez datozela bat erabakitzeko eskubidearen aldarrikapenarekin. Eskaera hori abertzaleena baino ez dela adierazi du Lopezek, eta sozialistak ez datozela bat exijentzia horrekin. Areago, "inposatzailea" dela nabarmendu du, eta ez duela zerikusirik bakegintzarekin. PSE-EEren Batzorde Nazionalaren batzarraren hasierako hitzaldian egin ditu adierazpen horiek Lopezek.
Lopezen irudiko, erabakitzeko eskubidea gauzatzeak "herritarren zati batek besteari beren nahia inposatzea" ekarriko luke. "Ez dugu onartzen bakearen aitzakitan herritarren zati batek herritar guztiena den erabakia hartzea. Ez dugu utziko indarkeriaren amaierari inork probetxu politikoa atera diezaion, hain justu, indarkeriaren amaiera bakearekin zerikusirik ez duten eta guztiok bat ez gatozen aldarrikapenekin nahastuz; autodeterminazio eskubidea bezalako aldarrikapenekin", esan du Lopezek.
Iruzkinak
Ez dago iruzkinik
Ordenatu
