"Gardentasuna eskatzen dugu, egia esan diezaigutela, batez ere, kontuan izanik bihar hauteskundeak ditugula", azpimarratu du Azkaratek.
Jaurlaritzako bozeramaileak uste du Espainiako Gobernua atentatuen inguruko zehaztasunak ezkutatzen ari dela. " Ez zaio gizarteari egiarik esan, engainatzen ari zaizkigu eta atzo kalean jendeak galdetutakoari erantzun behar diote, ea nor izan den atentatugilea", nabarmendu du.
M-11, sarraskia Madrilen
Erabateko sinesgarritasuna aitortu dio Azkarate Jaurlaritzako bozeramaileak ETAren ukoari
Miren Azkarate Eusko Jaurlaritzako bozeramailearen iduriko, ETAk atzo 'Gara' egunkarira zein ETBra Madrilgo sarraskiarekin zerikusirik ez duela esanez egindako bi deiek sinesgarritasun guztia dute. Baieztapen hori egiteko, orain gutxi Jaime Mayor Oreja PPko legebiltzarkideak egindako adierazpena baliatu du Azkaratek; alegia, oroitarazi du Mayor Orejak berak esan zuela ETAk hil egiten duela, baina ez duela gezurrik esaten. Halaber, Espaniako Gobernuak ez diola gizarteari egiarik esan salatu du.
Iruzkinak
Ez dago iruzkinik
Ordenatu
