Eraikuntzako langile bat zauritu da Gasteizen, horma armazoi bat gainera erorita

Gasteizen eraikitzen ari diren etxe bateko lanetan istripua izan du beharginetako batek, gaur 14:20 aldera: solairu armazoia gainera joan zaio, eta gerri ingurutik harrapatuta geratu da. Lankideek suhiltzaileei deitu diete, baina iritsi direnerako hondakin artetik aterata zeukaten. Ohatila batean jarri, anbulantzian sartu eta Txagorritxuko Ospitalera eraman dute G.A.V. zaurituta. Osalanek ez du argitu G.A.V.ren larritasuna zenbaterainokoa den.