Joan den astean Baraiñanen jazo zen eraso sexuala bezalakorik ez gertatzeko, udako jaietan kanpaina bat abiatu du EH Bilduk jarrera sexistekin amaitzeko helburuz. Gizonezkoei zuzenduko diete kanpaina, barneratuak dituzten jardun sexistak bistaratuz.
Jardun sexista horiek orotarikoak izan daitezke: besteak beste, neskaren sakeleko mezuak kontrolatzea, ezagutu ere egin gabe neska bat musukatzea edota lizunkeriak esatea.
Jarrera eta ekintza horiek emakumeen askatasunean zein segurtasunean eragiten dituzten ondorio larriez jabearaztea lortu nahi du EH Bilduk.
