Ermuko (Bizkaia) herri ekimen batek 3.477 sinadura lortu zituen Ermuko Foroari herriaren izena kentzeko eskaera egiteko, elkarteak jaramonik ez zien egin, eta kontua udaletxera iritsi zen. Gaur aztertu du Udalak eskaera eta bat egin du.
PPk Ermuan dituen lau zinegotzietatik bik kontra bozkatu dute, bat ez da izan udalbatzarrean eta besteak alde bozkatu du; zinegotzi hori alderditik bidali egin dute.
Beste alderdi denetako ordezkariek herri ekimenaren eskaerarekin bat egin dute; haien artean, Carlos Totorika alkateak (PSE-EE). Honen kontra hitz egin du gaur Mikel Buesa Ermuko Foroaren presidenteak, erabaki horrekin "terrorismoaren alde daudenen jokoan erori delako".
1997an ETAk Miguel Angel Blanco Ermuko PPko zinegotzia hil ostean sortu zuten aipatutako elkartea.
Ermuko Foroari herriaren izena kentzeko eskatu dio Udalak
Iruzkinak
Ez dago iruzkinik
Ordenatu
