Errauste plantaren aurkako mosaikoa egingo dute gaur

DONOSTIA. Gipuzkoa Zero Zabor plataformak deituta, Zubietan errauste planta egitearen aurkako mosaikoa egingo dute gaur Donostian, Saguesen. Goizean goizetik hasiko dira ekitaldiak: 10:30ean musika eta eskulanak izango dira; 11:00etan, Pirritx, Porrotx eta Marimototsen saioa; eta 11:30ean, bertsolariak. Eguerdian hasiko dira mosaikoa egiteko jendea kokatzen, eta 12:30erako osatuta izatea espero dute.