PSN: "Babes handia izan du grebak, eta argi geratu da herritarrek ez dutela lan erreforma hori nahi. Espainiako Gobernuak ezin die bizkar eman herritarrei, entzun egin behar dio gizarteari".
UPN: "Ez dute errespetatu herritarrek lanerako duten eskubidea. Nafarroak orain gutxien behar duena da greba, eragin txarra baitu produktibitatean eta atzerrian ematen den irudian".
PP: "Sindikatuek beren gain hartu beharko lukete gaur eragindako txikizioen konponketa".
PSE-EE: "Lan erreforma aurrekaririk gabeko erasoa da langileen eskubideen aurka. Kaleratzea merketzeko eta errazteko soilik balioko du, lanpostuak desegitea errazteko, baina ez gehiago sortzeko".
Mikel Arana (Ezker Anitza): "Arrakasta erabatekoa izan du grebak, eta bistan dago lan erreforma atzera bota beste erremediorik ez duela izango PPk".
Jose Antonio Sarria (Nafarroako enpresarien elkartea): "Greba ez da poztekoa. Tentsioa sortzen du gizartean. Errespetatu behar da egin nahi ez dutenen eskubidea. Gauza batekin ados ez bagaude, badaude hori adierazteko beste era batzuk".
