Errentaren araberako berrordaintzearekin ados azaldu da Marta Vera

Marta Vera Nafarroako Osasun kontseilariak ziurtatu du «filosofikoki» ados egon daitekeela sendagaiak errentaren arabera ordaintzearekin, baina zehaztu du alor horretan Espainiako Gobernuak hartu beharreko erabakiaren zain dagoela. «Dakigunez, koordaintze eredua moldatzeko aukera aztertzen ari da Espainiako Gobernua», esan du Verak. Adierazi duenez, eredua moldatu egingo luke Espainiak, jada eredu hori ezarrita dagoelako: «Orain ez da errentaren arabera egiten, baina bai langilea aktiboa edo pentsioduna den aintzat hartuta». Asmoak zehazteko eskatu dio Verak Espainiako Gobernuari, eta erantsi du hark erabakitakoa egin beharko duela Nafarroakoak. Orobat, Verak adierazi du ez duela asmorik osasun zerbitzuengatik berrordaintzea ezartzeko.