Ertzain bat atxilotu dute Gasteizen, bikotekideari eraso egin eta airera tiroak jaurti dituelakoan

37 urteko ertzain at atxilotu dute Gasteizen gaur arratsaldean, bikotekidari eraso egin eta pistolarekin airera tiroak jaurtitzea leporatuta.

Jaurlaritzako Herrizaingo Sailak agertu duenez, arratsaldeko hirurak aldera jakin dute Gasteizeko etxebizitza batean emakume batek erasoa jasn duela. Alde egitea lortu du andreak, eta Sansomendiko Guardia Zibilaren kuartelera joan da babes eske. Udaltzaingoa egin da gertatutakoaren arduradun, eta emakumea Txagorritxuko erietxera eraman ondoren, bikotearen etxebizitzara joan dira.

Ordurako, ertzaina atarian gotortuta zegoen, eta tiroak jaurti ditu airera. Udaltzainekin elkarrizketa izan ondoren, arma entregatu du eta atxilotu egin dute.