Ertzainak Zumaiako gaztetxera sartu dira

Urolakostakohitza.info

Beltzez jantzitako zortzi bat ertzain Zumaiako (Gipuzkoa) gazteek hartu berria duten Erkibe etxera sartu dira gaur, 08:45ak aldera, eta bertan zeudenak identifikatu dituzte. Erresistentzia gisa hamabost lagun zeuden une horretan gaztetxean, eta horien datuak hartu dituzte.

"Beheko solairura jaitsiarazi gaituzte eta gure nortasun agiriak jaso dituzte. Gure datuak zentralera pasatu ondoren, salaketa jarri dutela eta salaketarekin batera bertan geundenon izenak joango direla esan digute", esan du identifikatu duten gazteetako batek. "Salaketa tramitatu eta agindua jaso bezain pronto, eraikinetik bidaliko gaituztela adierazi digute. Era berean, gure kabuz etxetik aldegiteko eskatu digute baina, bertan geratzen baldin bagara, indarrez bidali egingo gaituztela".