Ertzaintzak Asier Gomez de Salazar gaztea atxilotu du gaur goizean Barakaldon, Espainiako Auzitegi Nazionalak 2008an jarri zion kartzela zigorra betetzeko —zazpi urte eta erdikoa jarri zion—. 2008ko otsailean Barakaldon bertan kutxa automatiko bat erre zuela egotzi zioten.
Urte hartan bertan ere atxilotu zuten —beste hiru lagun ere bai—, eta espetxean eduki zuten aldi batean. Zigorra osorik bete gabe atera zuten kalera.
Etxetik irten denean atzeman dute Gomez de Salazar gaur.
