Eskola liburuetarako laguntzak kentzea salatu du Hirukidek

GASTEIZ. Familia ugarien Hirukide elkarteak ez du begi onez hartu Arabako Diputazioak eskola liburuak erosteko laguntzak kendu izana. Neurri bidegabea dela esan du Natalia Diez-Caballero presidenteak: «Nonbait murrizketak egin behar direla ikustean, beti gizarte laguntzetatik egiten dute». PSE-EEk ere txartzat jo du neurria; Arabako Batzar Nagusietako taldeak jakinarazi du ahaleginduko dela neurria indarrean ez jartzen.