Josu Herrerori 2.480 euroko isuna jarri dio Espainiako Auzitegi Gorenak Mari Carmen Muñoz PSE-EEko zinegotziari irainak egitea egotzita. Rita Ugarizari, berriz, zortzi hilabeteko espetxe zigorra jarri dio, pertsona berberari mehatxuak egitea leporatuta.
Bi horien eta Niko Moreno Elorriko alkate ohiaren kontrako auzian, hirurak absolbitu zituen Bizkaiko Auzitegiak. Fiskala ez zen konforme geratu epaiarekin, eta errekurtsoa jarri zuen. Espainiako Auzitegi Gorenak emandako epaian Morenoren absoluzioa bakarrik berretsi du, eta gainerako biak zigortu egin ditu.
