Espainiako Eguberrietako loteriaren sari nagusiaren zati bat Elorriora eta Bilbora

Estatistikak eta probabilitateak aintzat hartuta oso zaila den arren, Espainiako Eguberreitako loteriarensari nagusiaren zati bat Euskal Herrian, zehazki, Bizkaian, egokitu da aurten.

06381 da sari nagusia egokitu zaion zenbakia, eta sei serie Elorrioko Urarka kaleko loteria saltokian saldu dituzte, eta bat Bilboko Azkarreta administrazio ezagunean. Sari horiek dezenteko dirutza utziko dute, batik bat, Elorrion, hiru milioi eurorekin saritzen baita serie bakoitza. Ondorioz, 18 milioi euro banatu ditu Urarka kaleko bulegoak.

Normalean jendeak dezimo edo hamarrenak erosten ditu, eta sari nagusia jaso duen hamarren bakoitzari 300.000 euro dagozkio. Elorrioko loteria saltokitik agertu dutenez, Lagun Toki elkartekoek erosi erosi dituzte zenbaki horretako txartel gehien, bazkide eta ingurukoen artean banatzeko. Lehiatilan ere, norbanakoei, saldu dizkiete.

Bilboko Azkarreta administraziokoek, berriz, serie bat saldu dute, saltokiko arduradunek eurek azaldu dutenez, "oso banatuta" lehiatilan dezimoka saldu baitute.

Euskal Herrian dirua utzi duen beste zenbaki bat 69200 izan da. Laugarren sarietako bat egokitu zaio zenbaki horri, eta Bilbon, eta bereziki Iruñean, saldu da osorik. Iruñean Amaia kaleko loteria administazioan saldu dute, Amaia estankoan; 36,6 milioi euro banatu ditu guztira Iruñean. Esan bezala, Iruñean saldu da ia osorik baina Bilbon 22. loteria administrazioan ere saldu da zertxobait. Dezimo bakoitzeko 20.000 euro irabazten dira laugarren saria egokituz gero.

76.623 zenbakiari egokitu zaio beste laugarren saria, eta horrek ere utzi du zerbait Euskal Herrian. Donostiako Urbieta kaleko saltokian zenbaki horren 600 dezimo saldu dituzte, eta, beraz, 1,2 milioi euro banatu dituzte guztira.Oionen (Araba)eta Galdakon ere saldu da zenbaki hori.

Zenbait bostgarren sarik ere, 30.504ak eta 05.919ak,utzi dute zerbait Bizkaian.