Protesta bertan behera utzi eta itsasora ateratzea erabaki dute Gipuzkoako arrantzaleek, gaur goizean Getarian egin duten bileran. Eskasak iruditu zaizkie gasolioaren garestitzeari aurre egiteko atzo Espainiako Gobernuak agindutako laguntzak, baina hala ere, arrantzan hasiko dira "oso egoera txarrean" daudelako.
Horrenbestez, gaur arratsean aterako dira baxurako ontziak itsasora; alturakoak, berriz, bihar goizean. Atunetara abiatuko dira bigarren horiek, eta kanpaina horrekin nahi dute salbatu aurtengo kanpaina. Orain artekoa oso txarra izan dela azpimarratu dute, batetik, erregaiaren garestitzearen ondorioz, eta, bestetik, antxoa arrantzatzeko debekuak indarrean jarraitzen duelako.
Dagoeneko 60 egin dituzte kaian, hain justu, berdelaren kanpaina amaitu zenetik.
19 milioi euroko laguntzak iragarri zituen atzo Espainaiko Gobernuak, baina Gipuzkoako arrantzaleen iduriko hori ez da nahikoa.
Ekonomia
Espainiako Gobernuak agindutako neurriak eskasak iruditu arren, itsasora irtetzea erabaki dute Gipuzkoako arrantzaleek
Gaur arratsean aterako dira baxurakoak. Atunetara doazenak bihar abiatuko dira.
Iruzkinak
Ez dago iruzkinik
Ordenatu
