Pertsona bat atxilotu du Espainiako Poliziak Iruñean, "terrorismoa goratu" duelakoan. Uztailaren 6an hasi zuten ikerketa, sanferminetako txupinazoaren egunean; hainbat pertsona Iruñeko alde zaharrean pintaketak egiten eta hainbat kartel jartzen aritu zirela adierazi du Poliziak ohar batean.
Ikertzen jarraitzen duela eta, parte hartu zutelakoan, pertsona gehiago identifikatzeko lanetan ari dela jakinarazi du Poliziak.
