Gaueko 00:32 zirela jaso du abisua Guardia Zibilak. Frantziatik etorritako espeleologo talde batek deitu du larrialdi zerbitzuetara, esanez taldeko kideetako bati harri bat erori zaiola gainera, 250 metroko sakoneran zegoelarik. Erorikoaren ondorioz, espeleologoak kolpeak ditu bizkarrean, sabelean eta sorbalda-hezurrean. Taldearekin batera zihoan medikuak zehaztu duenez, ez du galdu konortea.
Bertan dira dagoeneko Huescako, Zaragozako (Espainia) eta Nafarroako Guardia Zibileko mendiko erreskate taldeetako kideak. Adituek ohartarazi dute zaila izango dela zauritua handik ateratzea, eta leherketa txikiak egin beharko dituztela salbamendu lanak hasi aurretik.
