ESPETXE SISTEMAREN AJEAK, KALERA

Expocarcel erakusketa hartuko du Gasteizko apaiztegiak urtarrilaren 30etik otsailaren 12ra arte. Duela urte asko sortu zen erakusketa, eta bisitatu duen leku bakoitzeko artistek —espetxe barruan zein kalean zeudenek— hainbat ekarpen egin dituzte. Zigor sistemaren eta espetxeen ajeak agerian uzten dituen 1.500 metro koadroko erakusketaz gain, hainbat hitzaldi egingo dituzte; gazteak, emakumea, gizarteratzea edota hezkuntza izango dituzte hizpide.