Esteban Pons (PP): "Erabakiak tripak nahasten dizkidan arren eta etsigarria izan arren, legea bete da. Nahi nuke gizon horrek 300 urte bizi eta guztiak kartzelan pasatzea. Baina garrantzitsuena legea betetzea da, herritarrekin eta munstroekin".
Jon Garai (Herrira): "Berri oso ona da, baina, tamalez oso berandu iritsi da, zazpi urteko atzerapenez. Erabakia zazpi urtez atzeratu dute, eta horren ondorioz Josuren osasun egoera itzulezina da orain. Gaixo larri diren beste hamahiru presoak ere berehala aske behar dute".
Eusko Jaurlaritzak Europa Press albiste agentziak zabaldu duenez errespetua agertu du erabakiarekiko, eta "horrelakoetan legeak eta lege prozedurek diotena bete behar dela" nabarmendu du.
Iñigo Urkullu (EAJ): "Epailearen erabakia giza eskubideen garaipena da, eta ikuskizunaren porrota".
Pernando Barrena (ezker abertzalea): "Josu Uribetxebarriari baldintzapeko askatasuna eman diote. Gaizki, berandu eta koldar, baina azkenean etxera!".
Aritz Romeo (Aralar): "Uribetxebarria aske geratuko da. Justiziazkoa da eta merezi izan dute egin diren mobilizazioek. Gaixo larri diren beste hamahiru presok, ordea, kartzelan jarraitzen dute".
Paul Rios (Lokarri): "Castro epailearen erabakia berri ona da Giza Eskubideentzat".
PPko Leopoldo Barredak hitz egin zuen, eta bere arabera, Castro epaileak hartutako erabakia "koherentea" dela legediak aurreikusten duenarekin, eta azken hogei urteetan gaixo larri dauden presoen harira jokatu den moduarekin.
