ETAren aurka manifestazio bateratu bat egitea eskaini dio PSE-EEko bozeramaile Jose Antonio Pastorrek EAJri. Haren arabera, EAJko buru Iñigo Urkulluk ez du zertan ezker abertzaleak protesta antolatu zain egon. "Animatzen bada eta Egibarrekin aurrez ados jartzen bada, EAJk eta guk manifestazio bateratu baterako deia azter dezakegu". Urkulluk Adierazi EHri eskatu zion atzo deitzeko protesta bat ETAren aurka.
Pastorrek uste du EAJko buruzagiek ez duela berdin jokatzen. "Argitu behar du PSErekin eta Eusko Jaurlaritzarekin konpondu nahi duen, edo nahiago duen Batasunaren oinordekoekin hitz egitea frente abertzale bati buruz, Egibarrek Gipuzkoan proposatu duen bezala".
Nolanahi ere, PSE-EEko eledunak baikortzat jo du Urkulluk ETAren aurka azaldu duen jarrera. "Orain, hitzetatik ekintzetara pasatzeko garaia da, oraindik terrorismoa babesten dutenak deslegitimatzeko lan egitekoa".
PPk dagoeneko esan du ados legokeela ETAren aurkako martxa bat egitearekin. Leopoldo Barredak adierazi du balizko martxa horrek ETAren aurka egiteko "helburu argia" izatea dela joateko baldintza.
POLITIKA
ETAren kontra protesta bateratu bat egitea eskaini dio PSEk EAJri
Pastorrek esan du EAJk ez duela egon behar ezker abertzaleak ETAren aurka protesta antolatzeko zain. Atzo, Urkulluk ETAren aurka protestara deitzeko eskatu zion Adierazi EHri. PPk esan du ados legokeela ETAren aurkako martxa batekin.
Iruzkinak
Ez dago iruzkinik
Ordenatu
