ETAk atzo goizaldean Osalanen Donostiako egoitzan zartarazitako bi lehergailuek eragindako kalteak hasieran uste zena baino handiagoak dira. Jaurlaritzako Lan Saileko teknikariak gaur sartu dira egoitzara, eta pentsatzen zutena baino hondamen handiagoa aurkitu dute.
Eremurik kaltetuena eraikinaren beheko aldea dela agertu dute, artxibategian dauden ingurua. Izan ere, kanpoaldean baina pare horretan jarri zituzten bonbak. Hala, sabaiaren zati batzuk eta horma batzuk erorita daudela agertu dute, habe bat zartatuta dagoela, eta kristalek eta bestelako hondakin puskek garajeetara iristea galarazten dutela. Nolanahi ere, kalteen konpontzea dirutan zenbat izango den zehazterik ez dute izan oraindik teknikariek.
Atzo goizaldean bi lehergailu zartarazi zituen Donostiako Osalanen egoitzan eta beste bat Arrigorriagako (Bizkaia) Espainiako Lan Ministerioaren egoitzan. Polizia iturrien arabera, hiru kilo amonal zituen lehergailuetako bakoitzak eta bost kilo Arrigorriagan jarri zutenak.
Atentatuak
ETAren lehergailuek Osalanen egoitzan eragindako kalteak uste baino handiagoak dira
Donostiako egoitza aztertzen ari dira Jaurlaritzako Lan Saileko teknikariak, eta hasieran uste zutena baino hondatuago aurkitu dute. Kalteak dirutan zenbatekoak diren ez dute zehaztu oraindik.
Iruzkinak
Ez dago iruzkinik
Ordenatu
