ETArena izan daitekeen zulo batean aurkitutako materiala aztertzen ari da Frantziako fiskaltza. Iturri judizialak aipatuz France Bleu irratiak zabaldu duzenez, errepideetako mapak, mapa topografikoak, detonagailu batzuk eta lehergai kopuru txiki bat zegoen zuloan, bi kutxatan sartuta. ETAren anagrama ikus daiteke material horretan, informazio horien arabera.
Akizeko fiskalak hartu zuen material hori aztertzeko ardura, baina terrorismo gaietarako Parisko fiskala ari da zeregin horretan.
Tosse herriko baso batean (Landak, Okzitania) aurkitu dute zuloa. Fiskaltzako iturriek azaldu dutenez, ustekabean topatu zuen metalen bila ari zen pertsona batek, bere detektagailuarekin, abenduaren 31n. Horren berri eman zien jendarmeei, eta ingurua hezi ondoren, atera zuten handik material guztia zulotik.
