ETB Ipar Euskal Herrian sustatzeko

Euskararen Erakunde Publikoak eta EITBk hitzarmen bat izenpetu zuten atzo Baionan, euskara sustatzeko Ipar Euskal Herrian. Han hartzen den euskarazko telebista bakarra dela nabarmendu zuen Max Brisson EEPko presidenteak eta, horregatik, hizkuntza politikaren hedapenean funtsezko eginkizuna duela azaldu zuen. Euskaldunen artean euskararen ospea sustatzeko, iragarki bereziak eginen dituzte, ETBko telebista kateetan zein Euskadi Irratian.