Etorkinak Hego Euskal Herrian.

Araban, Bizkaian, Gipuzkoan eta Nafarroan 215.931 etorkin zeuden erroldatuta urte hasieran, INE Espainiako Estatistika Institutuak emandako datuen arabera. Horrek esan nahi du herritarren %7,64 direla immigranteak. Aurreko urtearekin alderatuta handitu egin da etorkinen kopurua. Iaz, urte hasieran, 210.738 etorkin zeuden Hego Euskal Herrian —biztanle guztien %7,49—. Nafarroan igo da gutxien immigranteen kopurua: iaz baino 11 etorkin gehiago zenbatu dituzte. INEren datuen arabera, erroldak oro har egin du gora Hego Euskal Herrian. 2.824.908 pertsona daude izena emanda; aurreko urtean baino 9.645 gehiago dira horiek.