Paperik ez daukaten etorkinak osasun txartelik gabe uzteko erabakiaren aurka, elkar hartu dute Bilboko, Donostiako eta Gasteizko elizbarrutiek. Agiri bateratu bat kaleratu dute, eta salatu dute "bidegabea" dela neurri hori. "Erregularizatu gabeko etorkinen duintasunaren eta betebeharreko babesaren aurkakoa da", ohartarazi dute. Legea bertan behera uzteko eskatu dute elizbarrutiek, eta adierazi dute "egonezina eta ezadostasuna" sortu dizkietela murrizketa asmoek.
Hiru gotzainen iazko pastorala ekarri dute gogora, eta nabarmendu dute Bibliak kristauei agintzen diela etorkinak "gu bezala" hartzeko.
