Etxean da Ibarluzea, zazpi hilean preso egon ondoren

LONDRES. Garikoitz Ibarluzea gazte gipuzkoarra Londresko etxean dago herenegundik, zazpi hilabete baldintzapeko espetxean eman ondotik. Kale erasoetan parte hartu izana egotzita, hura Espainiaratzeko eskatu zuen Espainiako Auzitegi Nazionalak, baina Londresko auzitegiek ezezkoa eman diote eskariari, birritan. Erabaki irmoa da, eta ezingo zaio helegiterik jarri.