Gipuzkoako Foru Aldundiak jakinarazi du etxebizitza galdu dutenek lurzoruaren gainbaliorik ez ordaintzeko lege aldaketa bultzatuko duela. Proposamena Batzar Nagusiei luzatuko die.
Aldundiaren esanetan, "ez da bidezkoa pertsona batek hipoteka ordaintzerik ez eta etxebizitza galtzen duenean lurzoruaren balioa gehitzearen gaineko zerga ordaindu behar izatea, bertan dagoen etxebizitzari etekinik ateratzerik ez baitago".
Aldundiaren arabera, "etxebizitzaren jabeak ez du lur horien garestitzetik etekinik aterako bere etxebizitzaz gabetzean eta kasu horietan ez luke zerga zertan ordaindu".
Bestalde, Stop Deshaucios Gipuzkoa plataformak protesta egin du gaur Kutxaren egoitzaren aurrean, erakunde finantzioarioak Beraungo andre baten gurasoak etxerik gabe utzi nahi dituela salaketzeko.
