ETXERAT-I HITZA UKATU DIOTE

Espetxe politikak Arabako 60 euskal presorengan dituen ondorioak salatzeko aukerarik ez zuen izan atzo Etxerat-ek Arabako Biltzar Nagusietan. Ezker abertzaleko batzarkideen eskariz, elkarteko kideek agerraldia egin behar zuten, baina Etxerat-ek salatu du PSEren eta PPren erabakiz hitza ukatu zietela, jorratu behar zuen gaiak batzordearekin zerikusirik ez zuela argudiatuta. Presoen eskubide urraketak ukatzea egotzi die Etxerat-ek PSEri eta PPri.