Egun guztian zehar, Lizarrako, Tafallako eta Tuterako suhiltzaileek hara eta hona ibili behar izan dute euri jasak batean eta bestean sortutako arazoak konpontzen. Halaber, Tuterako foruzainen laguntza ez ezik, Iruñekoena ere behar izan dute. Zehazki, Melidan, Caparroson, Villafrancan, Azagran, Tuteran eta Azkoienen esku hartu behar izan dute suhiltzaileek. Foruzainek, berriz, Carcarren, San Adrianen, Azagran eta Milagron.
Pixkanaka, ekaitza baretuz joan da, eta Nafarroako Gobernuko iturriek adierazi dutenez, egoera bere onera etortzen ari da.
Ekaitza
Euri jasak Nafarroako Erriberan sortutako arazoak bere onera doaz
Pixkanaka, egoera bere onera doa Nafarroako Erriberan eta Tafalla inguruan. Bart gaueko eta goizaldeko euri jasa handiek arazo handiak sortu dituzte hainbat herritan, eta, batik bat, errepideetan. Besteak beste, Azagran, Tuteran, Andosillan, Caparroson eta Castejonen hainbat loja eta aurreneko pisutan ura sartu da. NA-134, NA-122, NA-6100, eta NA-124 errepideetako puntu batzuk moztuta egon dira une batzuetan. Egoerak hobera egin arren, inguru hartan guztian arretaz gidatzeko aholkua eman du Nafarroako Gobernuak.
Iruzkinak
Ez dago iruzkinik
Ordenatu
