Euriborra, %4,5eko muga gainditu, eta azken sei urteetako mailarik altuenera iritsi da

Euriborraren gorakadak ez du etenik. Hogeita batgarren aldiz jarraian, ekainean ere gora egin du hipoteka gehienek erreferentziatzat hartzen duten indizeak, eta %4,5eko muga gainditu du. Azken sei urteetan izan duen mailarik altuenera iritsi da. Zehazki, %4,506an itxi zuen atzo hilabetea indizeak. Historian izan duenmaximotik 0,7 puntura geratu da, gainera.2000ko abuztuan lortu zuen maximo hori, %5,248ra iritsita.

Hipoteka mailegua dutenek jasango dute, beste behin, igoera honen ondorio latzena, mailegua hilabete honetan berritzea tokatzen zaienei urtero ordaindu beharreko kuota nabarmen igoko baitzaie. Igoera amortizazio epearen araberakoa da. Adibidez, hipoteka 10 urterako duenari %5,28 garestituko zaio hileroko kuota, 30 urterako hipoteka duenari %13,88, eta 50 urterakoa duenari, %19,89. Batez beste 160.000 euroko maileguak eman dira Hegoaldean ekainean. Batez besteko hori kontuan hartuta, 10 urterako hipoteka dutenek 85 euro gehiago ordaindu beharko dituzte hileko, 20 urterakoa dutenek 95euro gehiago, 30 urterakoa dutenek 105 euro gehiago, eta 50 urterakoa dutenek 120 euro gehiago.

Euriborrak gorako bidean jarraituko dutela uste dute adituek.