Euskal currikulumetik ez du 'Euskal Herria' terminoa ezabatuko Jaurlaritzak

Isabel Zelaa Eusko Jaurlaritzako Hezkuntza sailburuak jakinarazi du euskal currikulumetik ez duela 'Euskal Herria' terminoa ezabatuko, "Euskal Herria izan badelako. Zazpi lurraldek bat egiten duten euskararen zonaldea eta euskaldunok partekatzen dugun kultura eta hizkuntzaren eremua da".

Hala ere, Zelaak adierazi du Hezkuntza arloan Euskal Herria zer den zehaztuko duela, haren ustez,"haurrek zientifikoa eta errealitatean oinarritutako hezkuntza jasotzeko eskubidea dutelako". Horregatik, Jaurlaritzak euskal currikulumean 'Euskal Herria' terminoa ez du erakunde juridiko-administratibo moduan definituko, "hobetzen ari garen orain arteko euskal currikulumean zehazten zen gisara".