EUSKAL ESKOLAREN JAIRAKO PREST

Igandean egingo dute, Zarautzen (Gipuzkoa), Euskal Eskola Publikoaren jaia. EHIGE Euskal Herriko Ikasleen Gurasoen Elkarteak antolatzen du festa, eta eskola publikoaren balioak aldarrikatzea da haren xedea. Bale! Bizi garen seinale leloa aukeratu dute. «Balea euskalduna, bizkorra, alaia eta jaizalea da; lagun asko eta ezberdinak dituena», esan dute antolatzaileek. Egitarau oparoa prestatu dute: musika, dantza, magia eta umore emanaldiak, kirola...