EUSKAL HERRIA, IZOZTUTA

Hotz handia egin du azken egunotan Euskal Herrian, eta izotza eta elurra izan dira leku askotan. Nafarroako Pirinioetan, adibidez, hamabi gradu zero azpitik egin zituen atzo, eta izotzak eremu ugari hartu zituen. Auritzen (Nafarroa), esaterako, ur putzu handiak ikus zitezkeen izoztuta -argazkian-. Nafarroako Gobernuak elurrari aurre egiteko ekipamenduak jarri zituen lanean, eta jakinarazi zuen errepide sarea irekita zegoela, salbuespen bakarrarekin: NA-137 errepidea itxita zegoen Belaguako aterpearen inguruan.