Etxerat elkarteak eman du berria: Oier Oa euskal preso ohia aske utzi dute Barajasko aireportuan, Frantziatik kanporatu ostean. Euskal Herrira heldu, eta omenaldia egin diote Donostiako Gros auzoan.
Oier Oa Barajasera heldu da eta EHra bidean da!! Zure zain gaude Oier!! #MaiteZaituztegu#DispertsioaSTOPpic.twitter.com/ggSSf6Obwi
— Etxerat_Elkartea (@EtxeratElkartea) July 2, 2015Ekainaren 18an Plaisir hiriko atxikitze zentroan atxiki zuten Oa. Frantzian bizitzeko jarritako debekua gauzatzeko prozesuaren barnean egin zuten atxiloketa. Izan ere, ordura arte, Sartrouvillen asignatua zen Oa. Handik eraman dute Madrilera.
Espainiako Auzitegi Nazionalak artxibatu egin zuen Oier Oa preso ohiaren aurkako auzia joan den hilaren hasieran, eta, hortaz, euroagindurik ez daukate Oaren aurka. Eta, preseski, asignazio egoera kontraesan juridiko bati lotua zen. Haren aurkako euroagindua ukatu baitzion Frantziak Espainiari. Baina, aldi berean, Frantzian bizitzeko debekua jarri zion Frantziako justiziak.
Oak Larresoron bizitzeko eskaera egin du behin eta berriz, familia eta lana bertan dituela argudiatuta.
