Espainiako Polizia Judizialak 33 urteko gizonezko bat -F.G.M.- atxilotu du Zaragozan (Espainia), Euskal Herriko etxe-agentziei 500.000 euroko iruzurra egin dielakoan.
Poliziak dioenez, gizonezkoak hainbat izen erabiltzen zituen iruzurra egiteko eta eraikuntzako enpresa batzuen ordezkaria edo bitartekaria zela esaten zien etxe-agentziei. Hala, etxe batzuen truke dirua lortzen zuen, etxe horiekin zerikusirik izan gabe. Horretaz gain, 1 Formulako talde onenetako baten ordezkaria zela ere esan zien.
Zortzi iruzur kasutan lortu zuen 500.000 euro biltzea, Poliziaren arabera.
Gaur jakin denez, asteartean atzeman zuten. Ertzaintza ere haren bila zebilen, EAEko Auzitegi Nagusiak aginduta. Kataluniako auzitegiek ere hura atxilotzeko eskatua zuten.
Gizartea
Euskal Herriko etxe-agentziei 500.000 euroko iruzurra egitea leporatuta, gizonezko bat atxilotu dute Espainian
Iruzkinak
Ez dago iruzkinik
Ordenatu
