Gaur banatu dute Euskal Tonbolak aurreneko aldiz eman duen Megasaria. Jonathan Valdivielso abaltzisketarrak jaso du saria Martin Ugalde Kultur Parkean egin duten ekitaldian. Sandero autoa, hilero 400 euroko erosketa saski bat, Scotter motorra, Kariberako bidaia, kruzeroa eta beste hainbat sari jaso ditu Valdivielsok. Horretarako, tonbolan erositako txartelekin 'Euskaraz bizi nahi dut' esaldia osatu zuen, eta horrekin zozketan parte hartu. Abenduaren 30ean egin zuten zozketa.
Euskal Tonbolari esker euskalgintzak lan asko egin ahal izaten duela nabarmendu dute Kontseiluak eta Behatokiak. Horregatik, txartelak erosten dituzten herritarrei eskerrak eman dizkiete. Haiei ez ezik, beraien komentzioetan txartelak salgai jartzen dituzten merkatariei ere eskertu diete, haiek gabe tonbola ezingo bailukete aurrera eraman.
