AHTrentzako Euskal Y trenbidea eraikitzeko lanak trabatu dituzte gaur goizean Ordizian (Gipuzkoa) porlanezko bidoietara lotu diren bi lagunek. Ordiziako Malkasko auzoan, AHTren lanak obretarako sarbidean,jarri dira bi lagun horiek, bidoietara kateatuta eta, gainera, eskuak porlanetan sartuta. Ondorioz, lanetara sartzea eta irtetzea galarazi dute. Haiei babesa emateko 30 bat lagun bildu dira protesta egin duten lekuan.
10:00etan hasi dute mobilizazioa, eta laster agertu da Ertzaintza. Babesa ematera bildutako lagunak identifikatu dituzte, eta, halaber, bidoietara lotutako bi lagunak atxilotu egin dituzte suhiltzaileek bidoietatik askatu dituztenean. Ordu eta erdiz eragotzi dituzte lanak.
Azpiegiturak
'Euskal Y'-ren lanak eragozteko porlanezko bidoietara lotu diren bi lagun atxilotu dituzte Ordizian
Haiei babesa emateko bildu diren 30 bat lagun identifikatu egin ditu Ertzaintzak.
Iruzkinak
Ez dago iruzkinik
Ordenatu
