Gaur eman du BerriaTBk Euskalerria Irratiaren sanferminetako saio berezia lehen aldiz zuzenean, eta ondo atera da. 1.500 lagun inguruk ikusi dute BERRIA.INFOren bidez. Elkarlanaren ondorioz egin dute emanaldia euskarazko bi hedabideek, eta eguneroko saioa ikusi ahal izango da webgune honetan, igandean salbu.
Zaldi Zuria Iruñeko Alde Zaharreko tabernako terrazan egiten du festetako saio hori Euskalerria Irratiak, 12:00-14:00 artean (elkarrizketak, musika...). Gaurkoa orain BERRIA.INFOk sanferminei buruz daukan webgune bereziko bideoen atalean ikus daiteke.
Euskalerria Irratia duela bost urte hasi zen saioa egiten, Sanfermintza izenekoa. "Marko konparaezina da Zaldi Zuriko terraza. Festaren bihotzean dago, baina toki lasai batean ere bai, harresietan", diote irratiko arduradunek.
Euskalerria Irratia eta BerriaTB elkarlanean
Iruzkinak
Ez dago iruzkinik
Ordenatu
