Euskalerria irratiaren aldeko mozio bat onartu du Iruñeko Udaleko osoko bilkurak

Euskarazko irrati baten aldeko mozioa aurkeztu dute osoko bilkuran NaBaik, Bilduk eta Ezkerrak, eta, PSNk harekin bat egin eta gero, aurrera egin du. Euskalerria irratiarekin bat egin du, hartara, Iruñeko Udalak. Mozioaren bidez, udalak adierazi du euskaraz ari den irratia behar dela eta lizentzia baten jabe izan behar duela. UPNk eta PPNk kontra bozkatu dute. Mozioa aurkeztu duten taldeek erran dute hainbat erakunde agertu direla orain arte Iruñerrian euskarazko irrati bat izatearen alde, tartean Euskaltzaindia, Nafarroako Parlamentua, Arartekoa eta Europako Kontseiluko adituak. Asteon hartutako erabakiarekin, Iruñeko Udalak ere egin du bat eskaerarekin.