Euskalmeten eta BERRIAren arteko elkarlanaren ondorioz, gaurtik aurrera Euskalmeten eguraldi iragarpena entzungai da BERRIAren webgunean. Euskalmetek egunean bi iragarpen izango ditu BERRIA.INFOn. Lehenengoa goizeko 08:00etatik aurrera izango da, eta eguneko iragarpena emango du. Bigarrena, berriz, 18:00etatik aurrera izango da, eta hurrengo egunekoa eskainiko du. Bi iragarpen horiek webgunearen eskuinaldean izango dira, Berriketan.info sare sozialak duen leihoaren gainean.
Lehenedik dator Euskalmeten eta BERRIAren arteko elkarlana, eta papereko edizioan ere Euskalmetek eskaintzen dio zerbitzua euskarazko egunkariari.
