Bizkaiko Foru Aldundiko Kultura Sailak Euskara Bizia batzordea sortu du, euskarari lotutako arloak aztertu eta ekitaldi bakoitzerako proposamenak aurkezteko helburuarekin. Erakundeek eta elkarteek egiten duten lanari bizirik eutsi nahi diote.
Batzordeko kideen artean, besteak beste, Eudeleko, Alkarbideko, Azkue Fundazioko eta Euskaltzaindiako ordezkariak egongo dira, eta lehendakaria Josune Ariztondo Kultura foru diputatua izango da. Euskararen alde lan egiten duten elkarte eta erakundeek ere izango dute ordezkaritzarik, arduradunen arabera.
