Hizkuntz normalizazioa
Euskararen Eguna da gaurkoa
Eusko Ikaskuntzaren ekimena izan zen abenduaren 3a Euskararen Nazioarteko Egun izendatzea. Zehazki, 1948an Baionako batzarrean hartutakoa. Denbora asko igaro da ordutik, baina oraindik euskarak bultzada handien beharrean segitzen du. Gaur hainbat ekitaldi egingo dira egun hori dela eta, baina handienak atzo egin ziren: Bilboko Erakustazoka zaharrean ekitaldi ofiziala egin zen, agintari ugari han zirela. Eusko Legebiltzarrak, berriz, deklarazio instituzionala onartu zuen euskararen aldeko konpromisoa bereganatuz.
Esan bezala, gaur ere izango dira ekitaldiak. Esate baterako, Bilboko Plaza Barrian euskara ardatz duen jaia egingo da egunean zehar. Gure artean euskaraz jartzen duten eskuturrekoak ere banatuko dituzte. Athleticeko jokalariek, berriz, euskararen aldeko pankarta aterako dute gaurko partidaren hasieran.
Iruzkinak
Ez dago iruzkinik
Ordenatu
