Euskararen lankidetza itunari oniritzia eman dio Senatuak

MADRIL. Eusko Jaurlaritzak eta Nafarroako Gobernuak euskara gaietan lankidetzan aritzeko sinatutako akordioari oniritzia eman dio Espainiako Senatuak. Helduen alfabetatzean, ikerketa soziolinguistikoetan, itzulpengintzan eta euskararen kultur hedapenean arituko dira lankidetzan, «betiere erkidego bakoitzaren eskumenak eta izaerak errespetatuz».