Politika
Eusko Legebiltzarrak atzoko atentatua gaitzetsi du
Eusko Legebiltzarreko Mahaiak egindako testua onartu du gaur Eusko Legebiltzarrak, EHAKren babesik gabe. Han, ETAk atzo Madrilen egindako atentatua salatu dute. EHAK-k azaldu duenez, Mahaiak egindako testua itxia izan da, eta beraiek ezin izan diote inolako ekarpenik egin. Horregatik ez dute babestu. PPk, EHAK legez kanpo uzteko "zer gehiago" behar den galdetu du.
Nekane Erauskinek honela argudiatu du beraiek testua ez babestea: "Dokumentu honen jakitun izan gara gaur goizean osoko bilkurara etorri garenean. Dokumentu itxia zen, eta ez dugu inolako aukerarik izan ekarpenak egiteko. Guk ekarpena egingo genion. Hasieratik esan genuen bezala, guretzat inportantea da elkarrizketa eta negoziazioa gauza guztietan. Hori izan da guk babesik ez ematearen arrazoia".
Iruzkinak
Ez dago iruzkinik
Ordenatu
